TANTO GENTILE E TANTO ONESTA PARE

Carlo della Valle ha proposto nel suo "Famose poesie italiane tradotte 'a lengua" alcune delle più famose e "storiche" poesie della letteratura italiana in napoletano.
Vi proponiamo la dantesca Tanto gentile e tanto onesta pare.

Il libro di Carlo della Valle è reperibile al seguente link :

Assai azzeccosa e accussì aunesta pare
chesta femmena mia quanno saluta,
ca tutt’’a gente resta zitta e muta,
e nun tene o curaggio d’’a guardare.

E se nne va sentennose ‘ncenziare,
‘e nu surriso tennero vestuta;
e pare comme si fosse scennuta
da ’o cielo ‘nterra pe ce arrecriare.

E’ tanta bona quanno ca respira,
ca dall’uocchie te passa dint’’o core,
‘na ducezza ca quase maie se trova;

e pare ca d’ ’a vocca soia se mova
nu sciuscio doce, carreco d’ammore,
ca va dicenno all’anema: suspira.